O Mestrado impartirase por expertos académicos da Universidade de Vigo con ampla experiencia no ámbito da formación en moda e conta coa colaboración de profesionais de recoñecido prestixio en deseño, tendencias e creación en moda.

Ademáis do programa de asignaturas, desenvolverase un programa complementario de conferencias e talleres, visitas e prácticas en empresa que conforman unha formación conectada co mundo profesional e dende unha perspectiva centrada nunha aprendizaxe aplicada no desenvolvemento de proxectos. Buscamos a un tempo a profesionalización do proceso creativo sen perder de vista a importancia da actividade investigadora como motor de innovación.